溫哥華探親之旅

你開洛杉磯去到溫哥華，入住嘅 vacation home 就係我哋熟悉嘅 Port Moody。

今次住喺港口嘅另一邊，風景依然優美。

由於溫哥華今個冬天比較暖，所以冇雪落。 我哋上咗 cypress mountain 雪山玩。 但係兩個女冇興趣玩水泡滑雪水 所以只係側邊玩下雪。

夜晚返到Port Moody夜景好靚。

最後一日係溫哥華，估唔到竟然落雪，到表妹家晚飯時，佢哋講係溫哥華冬天嘅第一場雪。兩個女即刻出去表妹屋企出面公園嘅斜坡玩滑雪兜。

快樂嘅時間真係過得特別快，又要返香港！希望下次快啲可以在溫哥華同兩個表妹玩。

加州假期

喺農曆新年前夕開始這次加州旅程。

旅程嘅第一站唔係迪士尼樂園而係加州嘅  Huntington Beach。 本來除咗媽咪要跑馬拉松之外亦都安排咗去棕櫚泉，但係因為天氣唔好所以只係去咗outlet。

完成馬拉松嘅半馬賽之後，大家就收拾行裝一齊去迪士尼玩。 可惜，因為我肚痛所以連續屙咗兩日，冇辦法去迪士尼。 慶幸佢哋喺迪士尼都玩得開心。

離開加州之前我哋去咗加州嘅新蒲點 - Packing House。 呢度係新奇士原有的包裝工場，現在改成飲食中心，裏面有各式各樣嘅美食。

加州五日嘅旅程完咗之後，我哋就搭飛機去溫哥華探表妹！

2019年第一個海外半馬

過年前一家人去到加州Huntington beach 準備為媽媽參加Surf City Marathon嘅半馬打氣， 呢個馬拉松有５k、半馬同埋全馬。 去到下榻嘅酒店，酒店已經有歡迎嘅橫額， 相信好多比賽嘅人都入住附近嘅幾間酒店。

大會封咗好大段路比跑手進行比賽， 跑手比賽嘅時候會更加舒服。 係媽咪預計過終點前嘅十分鐘去到終點附近，同兩個女等咗約莫十分鐘， 終於見到媽咪嘅身影呀。

媽媽終於完成咗佢嘅半馬，時間都唔錯添! 攞完完賽獎牌之後就開開心心，返酒店沖涼同埋收拾行裝準備離開。

完成了2018的一個項目

2018年下半年，媽咪有一個項目要完成。但係，因為太多嘢要兼顧.......｜

本來預算只係幾個禮拜就可以造起嘅呢座三層大廈，因為兩個女要考試溫習，媽咪又有比賽要準備。結果呢座樓嘅完工日期，就一拖再拖......！好彩，終於係2018年完結之前將佢完成。

好快又聖誕

2018年又到尾聲，兩個小女孩突然間醒起要佈置聖誕樹。 於是我喺儲物櫃將聖誕樹同埋裝飾物拎出嚟， 等大家可以一齊佈置。

但係，依家佢哋兩個就有自己嘅主意，要自己佈置。 佢哋已經可以佈置出一棵好靚嘅聖誕樹。長大啦！好多嘢都可以放手畀佢哋做。

除咗佈置聖誕樹之外，聖誕節佢哋最開心，當然就係聖誕月曆啦！ 兩個都一早已經買咗聖誕月曆 ，12月1號即刻就要開始食聖誕月曆嘅朱古力。 其他嘢可能唔記得，但係呢個佢哋就一定記得！妹妹嗰個月曆，係聖誕節之前一日有粒大嘅朱古力㗎！

睇住佢哋一日食一粒，一日食一粒，就提醒埋我聖誕節就到啦。希望佢哋都有一個愉快嘅聖誕節，同埋開開心心咁去迎接新嘅一年與及美好嘅將來！

從東京到大阪

今年的暑假，我們一家人到日本遊玩，今次行程像旅行團一般，從東京經京都到大阪再回港。

我們東京的指定景點不是新宿、築地和秋葉原等。當然是小孩的朝聖地點 - 迪士尼是也。

不經不覺，東京迪士尼已經開業35年了，樂園內的Toy Story Mania和Guardian of Galaxy都係必玩的。

東京迪士尼之旅完成後，到了台場的Digital Art Museum: ESPON teamLab Borderless，在東京的最後一天，我們到東京站準備乘坐新幹線到京都去。在東京站的地下一番街發現有許多玩具及精品店，兩位小姐都很高興，部分店鋪還有遊戲機給大家玩玩！

列車經過兩個多小時的行程便到了京都。把行李放置好後，便外出吃晚飯再回酒店好好休息。

次日的中午到蟹店吃午餐，當然是全蟹宴。一般人是到大阪的總店，但我們在京都，當然是前往京都店。跟多年前在大阪店吃的相比，這次在京都的味道並沒有大分別，依然是那麼的美味。

午餐後到附近的錦市場遊覧，再到伏見稻荷神社參觀。回到京都站再到Bic Camera, Tokyu Hands 和 Aeon Mall 等店走走便完了當日的行程。

在京都的第三個早上，先到租車店取車，再驅車前往奈良及宇治。在奈良公園，二小姐給飢餓的鹿嚇怕了，見鹿就跑。但當到宇治的綠茶店時，她才再活躍起來，買這個買那個的買個不停！回京都前我們到宇治附近的 outlet 繼續買呀......。

晚上，我們到鴨川畔的先斗町吃晚飯，媽媽在一所懷石料理店-大當両訂了枱。全店只有四枱客人，大家都在户外看著鴨川的風景吃晚飯。突然，天空灑下幾點雨，店家即安排所有客人到室內用餐。雖然風景沒有了，但在炎熱的夏日，在空調室內就涼快多呢！

 

京都的最後一天，我們到京都站內的伊勢丹百貨，再走到頂樓的拉麵小路午膳。午膳後於京都站乘車JR前往馬堀站，然後步行往龜岡的小火車站乘小火車去。

小火車沿桂川行走，沿途風景秀麗，很快便到了嵐山站，我們就在這兒下車前往竹林遊覧。

從嵐山站步行，途經竹林和野宮神社，到野宮神社外的巴士站，在旁邊的小店小休後再前往嵯峨站。嵯峨站有一所火車博物館餐廳，再往前走，便到JR嵯峨嵐山站。從這裡乘車回京都後，便轉車到大阪去。

到達大阪已經是晚上，吃過晚飯便回酒店休息。次日早上吃過甲餐便到環球影城玩樂去，到晚上才回酒店休息。

最後一天的早上，我們在酒店附近的碼頭乘船到海游館參觀。午餐後，我們便到機場乘機回家，完結了這一次的旅程。