英倫遊記

暑假歐洲遊開始了，登上機後要爭取休息，以便落機後可有足夠精神揸車。

落機第一站，先揸車到牛津大學的基督堂參觀，到這兒一參觀最好兩星期前先在網上購票，可減少排隊時間。哈里波特裹裏面嘅魔法學院用大廳就係參考這基督堂內的飯堂，但真實的並不大。離開基督堂，在牛津街的市場及街道散步，再到隣近的餐廳午餐。

午餐後揸車到朗尼丹爾(Roald Dahl)博物館參觀。但係我哋來遲了！孩子6至8歲時來會比較雀躍，雖然還記得故事，但已不大興奮了！

返倫敦前，我們先往温莎堡。由於人多及下着雨，我們介紹了温莎堡的故事，但兩位小姐沒有興趣，所以沒有入內參觀便返回倫敦。

離開温莎堡後，我們回到倫敦的民宿，整理後,便到附近的炸魚薯條專門店，亨用晚餐才回去休息，準備第二天的行程。

第二天早上，因買東西也在街上逛了逛，因而晚了出發，泊在路邊的車子亦因此吃了牛肉乾。無奈地出發到Sherlock : The Game is Now 玩密室逃脫，一小時內未能完成任務，只可無奈離開。然後到電視拍攝的地方附近那三文治店午餐，但店關了，這天真是無奈的一天。

到維多利亞站還車後，我們到大笨鐘及倫敦眼遊覽。大笨鐘正在維修，外牆被棚架包着遠看才可看見。過橋後便到了倫敦眼，途中看見很多「眼明手快」的騙人販子。回想在維多利亞站有人擬似偷竊，在歐洲旅行真是要小心啊！

再繼續步行至特拉法加廣場遊覽，兩位小姐並沒有興趣，但經過Regent Street細女看見Magnum Pleasure Store雙眼即發光，立即走去排隊，嘗試自己選脆皮和裝飾自己的雪糕批。

第三日早上，我們到Cereal Killer Cafe食早餐，這裡的裝飾很特別。我們都坐在床邊食早餐，食品和飲品均環繞着粟米片為主。食完早餐，我哋就到大英博物館參觀。這裏的展品可以讓大家逛足一天，我們亦在下午四、五時離開，經诲德公園再往晚餐的地方，走過大片草地便到公園中的小湖，許多雀鳥在這兒棲息，小朋友更愛到湖邊小店買鴨糧餵鴨。

離開英倫敦前一天，我們到自然歷史博物館參觀。這裏除了有巨型恐龍、鯨魚和一般動物骨骼和化石，外也有一些已絕種生物的標本。在地理館內除了石頭，還有一個地震的模擬區給大家感受一下「地震」。離開博物館，我們到倫敦塔和附近的塔橋參觀。當晚媽咪同大女就到維多尼亞劇場看音樂劇。

在倫敦的最後一天，便是到St. Pancras Station坐歐洲之星往巴黎。但我們提早一小時前到達旁邊的King Cross Station參觀9 3/4月台。但這只是給拍照的地方並非真是在9及10月台，可能怕影響車站正常運作。當然在旁還有紀念品店，讓大家售買哈利波特紀念品，才到旁邊的車站乘車往法國首都巴黎進行下一站的行程。

名古屋走走跑跑

3月8號婦女節當日，跟太太同細囡去咗名古屋，準備太太嘅第一次嘅馬拉松。 晚上才到達，食咗晚飯之後就已經要係時候返酒店休息。

第二日太太同細女有節目，淨番我一個人。唯有去睇下有咩地方好去？去咗豐田嘅產業展覽館，參觀咗豐田嘅發展史，原來佢哋係由織布機做起，跟住再做車。裏面都幾好睇，因為佢哋嘅設備都好多。除咗唔同嘅織布機之外，亦都有汽車各個部分嘅生產過程， 鍾意機器嘅一定會覺得好好睇。

跟住就去咗名古屋鐵路博物館，鐵路迷一定好鍾意。因為佢有好多唔同款式嘅列車， 對我嚟講就比較一般， 但係都好壯觀。感覺豐田好睇啲，但如果鐵路迷，可能會覺得呢度好睇啲。

星期日係太太第一次跑全馬嘅日子，我同細囡喺20公里嘅地方等佢，幫佢打氣。跟住去到終點，希望影到佢衝線嘅相。可惜！人太多，走漏咗，影唔到。有啲遺憾！太太跑完之後得到一個比較特別嘅紀念獎牌，就係呢一條tiffany嘅頸鏈。

星期一離開前，我哋去咗常滑市嘅Aeon Mall。 因為常滑出名招財貓，所以嗰度亦都有一隻號稱全世界最大嘅招財貓。睇完招財貓，食咗個午餐之後，我哋就搭飛機返屋企啦，希望下次再嚟玩啦。

溫哥華探親之旅

你開洛杉磯去到溫哥華，入住嘅 vacation home 就係我哋熟悉嘅 Port Moody。

今次住喺港口嘅另一邊，風景依然優美。

由於溫哥華今個冬天比較暖，所以冇雪落。 我哋上咗 cypress mountain 雪山玩。 但係兩個女冇興趣玩水泡滑雪水 所以只係側邊玩下雪。

夜晚返到Port Moody夜景好靚。

最後一日係溫哥華，估唔到竟然落雪，到表妹家晚飯時，佢哋講係溫哥華冬天嘅第一場雪。兩個女即刻出去表妹屋企出面公園嘅斜坡玩滑雪兜。

快樂嘅時間真係過得特別快，又要返香港！希望下次快啲可以在溫哥華同兩個表妹玩。

加州假期

喺農曆新年前夕開始這次加州旅程。

旅程嘅第一站唔係迪士尼樂園而係加州嘅  Huntington Beach。 本來除咗媽咪要跑馬拉松之外亦都安排咗去棕櫚泉，但係因為天氣唔好所以只係去咗outlet。

完成馬拉松嘅半馬賽之後，大家就收拾行裝一齊去迪士尼玩。 可惜，因為我肚痛所以連續屙咗兩日，冇辦法去迪士尼。 慶幸佢哋喺迪士尼都玩得開心。

離開加州之前我哋去咗加州嘅新蒲點 - Packing House。 呢度係新奇士原有的包裝工場，現在改成飲食中心，裏面有各式各樣嘅美食。

加州五日嘅旅程完咗之後，我哋就搭飛機去溫哥華探表妹！

2019年第一個海外半馬

過年前一家人去到加州Huntington beach 準備為媽媽參加Surf City Marathon嘅半馬打氣， 呢個馬拉松有５k、半馬同埋全馬。 去到下榻嘅酒店，酒店已經有歡迎嘅橫額， 相信好多比賽嘅人都入住附近嘅幾間酒店。

大會封咗好大段路比跑手進行比賽， 跑手比賽嘅時候會更加舒服。 係媽咪預計過終點前嘅十分鐘去到終點附近，同兩個女等咗約莫十分鐘， 終於見到媽咪嘅身影呀。

媽媽終於完成咗佢嘅半馬，時間都唔錯添! 攞完完賽獎牌之後就開開心心，返酒店沖涼同埋收拾行裝準備離開。

完成了2018的一個項目

2018年下半年，媽咪有一個項目要完成。但係，因為太多嘢要兼顧.......｜

本來預算只係幾個禮拜就可以造起嘅呢座三層大廈，因為兩個女要考試溫習，媽咪又有比賽要準備。結果呢座樓嘅完工日期，就一拖再拖......！好彩，終於係2018年完結之前將佢完成。

好快又聖誕

2018年又到尾聲，兩個小女孩突然間醒起要佈置聖誕樹。 於是我喺儲物櫃將聖誕樹同埋裝飾物拎出嚟， 等大家可以一齊佈置。

但係，依家佢哋兩個就有自己嘅主意，要自己佈置。 佢哋已經可以佈置出一棵好靚嘅聖誕樹。長大啦！好多嘢都可以放手畀佢哋做。

除咗佈置聖誕樹之外，聖誕節佢哋最開心，當然就係聖誕月曆啦！ 兩個都一早已經買咗聖誕月曆 ，12月1號即刻就要開始食聖誕月曆嘅朱古力。 其他嘢可能唔記得，但係呢個佢哋就一定記得！妹妹嗰個月曆，係聖誕節之前一日有粒大嘅朱古力㗎！

睇住佢哋一日食一粒，一日食一粒，就提醒埋我聖誕節就到啦。希望佢哋都有一個愉快嘅聖誕節，同埋開開心心咁去迎接新嘅一年與及美好嘅將來！