到我家作客

春天已漸漸被炎夏侵佔了，我家亦十分熱鬧。不時會有雀鳥到我家或到鄰居的植物附近來玩耍和覓食。

其中一隻珠頸斑鳩的雛鳥近日多次到來，相信牠的"家"就在附近，所以才見到牠經常出現。

這雛鳥極可能就是早前常出現的那對斑鳩的孩子。

看見牠飛得不高亦不遠，而且有點笨拙。那笨拙的家伙近日令我十分忙碌，牠每天到我的傢俱上排毒，要我每天清潔。

雖然牠的行為令人不快，但是，這雛鳥還在學飛的階段，希望小斑鳩能茁壯成長，翱翔天際之後，不會只在我家排毒吧！

重拾舊趣

真係好耐無"影相"了。由兩個女出世開始，我就慢慢放低返部相機，慢慢咁又傻起嚟。傻瓜機的確方便，雖然質素係差啲啲，但係始終有相好過無相。再漸漸發覺原來掌握得好，傻瓜都可以偶有佳作。所以，亦只在傻瓜中繼續打滾！可是近日因為要買新的傻瓜代替那毛病多多的老傻瓜而多看了其他相機。

仲記得我第一部相機係隔離屋哥哥幫我哋買嘅Yashica，佢仲配埋 Toshiba 閃燈比我哋用。到我自己出嚟做嘢就儲錢買咗自己買嘅第一部相機。

Nikon嘅FM2，當時未買呢支原厰鏡頭。但十幾年後，數碼相機出現，我亦買咗啲平平哋嘅傻瓜相機試玩。但祗有呢部 Olympus C-700 ultra zoom仲係度，但每次再試玩都要入電。

呢部機我仲記得去過張國榮嘅演唱會影過相，效果仲唔錯，亦係我拍拖時嘅相機。

當單反數碼機開始成熟時，我便留意想入手一部，但我太太比我更快哋送咗部Olympus E-300比我。

直至阿女出世之後，大機全部要讓開，所以又買了傻瓜機影啲女。傻瓜相曾經用過 Canon，Casio，Panasonic 到潛水嘅 Olympus 同靈活嘅 Sony 。傻瓜機主要係比唔小心跌爛同埋夠期自己瓜柴嘅，所以都經歷幾部不同嘅相機。直至對上一部 Sony HX30V，都幾好用。但始終年紀唔細，所以佢亦有問題了，睇咗好多，貴嘅好靚，但咁貴不如買部換鏡嘅相機"完全係我呢類死窮鬼嘅諗法"。結果都係買返部Sony HX99V，貪佢機動性強，又有玩味，隨身帶又唔重。

雖然我呢幾部機仍可以運作，但除咗HX99外，其他機都係退休狀態，除偶爾拎出嚟比佢哋伸展一吓外，都唔會比佢哋操勞。但到認真影嘢嘅時候，真係要有部可以令自己滿意嘅先得。終於，我就買咗Fujifilm 嘅X-S10，呢部機雖然唔係全片幅相機，但係解像力、避震能力同顏色都好好。唯獨對焦仍然不及Sony。不過，以呢個價錢，我已經滿意。亦希望慢慢可以重拾以往週圍去影相，捕捉靚景同有趣影像嘅樂趣。

我們搬家了

十月廿五日星期日，我們搬離我們住了十年的家。新居與舊居祗多了一個站，但多了一個大平台，若是再要留家工作也會舒適一點。

我們不是第一次搬家，但對曉敏來說郤像第一次。我們上一次搬家時，她只有兩歲，所以完全沒有印象。

新居對他們來說既興奮又新奇，房間跟從前比較確難一點放傢俬，所有在執拾時費了些時間。希望往後的生活可以更加愜意。

疫症何時了？

自二零一九年尾，中國武漢市爆出新型(冠狀病毒)肺炎，疫情便一發不可收拾。疫症由武漢漫延全國，再傳到亞洲多國，然後至歐美以至全球。香港亦因疫症而令經濟受損。大部分人留家工作，市面靜得可怕。

上兩個星期，疫症本緩和下來，大家也帶着口罩出外上班或出外走走。但昨天晚上，政府又宣怖因回港確診的人增加，為免社區大爆發，將再停止非緊急服務並希望大家留家工作。究竟疫情可時了呢?

重遊迪士尼世界

離開紐約 (New York)，我哋搭咗兩個幾鐘飛機去到奧蘭多 (Orlando)，六年後我們再來了。由於落機嘅時間渡假屋仲未可以入住。所以，我哋就去左打小型高爾夫球，打完小型高爾夫球之後，返到渡假屋啱啱喺日落時份，黃昏景色非常之靚。

第二日，四日迪士尼行程嘅第一日就開始。她們第一個目標就係 (Epcot) ，那個圍着湖嘅主題樂園，以世界唔同嘅特色同未來科技作為賣點，單是沿着湖邊漫步已經是樂事了。

迪士尼行程嘅第二日就去到 (Disney Hollywood)，這裡除了星戰遊戲區和反斗奇兵遊戲區外；還有冰雪奇緣嘅 (A Frozen Sing-Along Celebration)，比起上一次，今次嘅劇場比較好。而且園內的反斗奇兵遊戲區仲有獨一無二嘅彈弓狗過山車 (Slinky Dog Dash)，同必玩嘅 (Tower of Terror)。

迪士尼嘅第三日行程去到魔法王國 (Magic Kingdom) ，除了小小世界 (It's a Small World)同埋必玩嘅遊戲 (Haunted Mansion) 仲有香港已經拆咗嘅巴斯光年 (Buzz Light-year)。

 

迪士尼嘅最後一日，嚟到動物王國 (Animal Kingdom) 除咗遊戲機之外，亦一個動物園係裏面。

當晚我地仲去咗 (Disney Spring) 即係以前嘅 (Disney Downtown) ，除了 (Star War) 同 (Marvel) 等店鋪之外，仲有其他特式店；例如可口可樂。

喺奧蘭多最後嘅日半時間，行程非常緊迫。但係必定要去環球片場，雖然不足，但都買咗兩日兩個園嘅入場卷。因為要兩個園嘅入場卷才可乘坐由倫敦去到魔法學校嘅火車。而倫敦嘅哈里波特園區 (Harry Potter) 更係奧蘭多獨有的。

上次用咗三個星期，今次一個星期，真係好匆忙。完成咗環球片場旅程之後，我哋就即刻揸車去到機場，經紐約轉機返香港｡

今次行程除咗匆忙，最特別係因為武漢爆發新肺炎病毒。很多人到處找口罩，我們在美國買口罩回程用也十分困難。最後在一所藥房找到，每人也限購兩盒。可是在我前面的大陸人郤拿着一籃的口罩，店方當然不容許。真希望人人都能自律，社會就會更和諧。

紐約速遊

經過十幾個鐘頭飛機，終於飛抵紐約。到達時已經係夜晚，隨便買咗晚餐就返到酒店休息。

第二朝早上就參加了海上觀光，主要係去觀看自由神像。導遊除自由神像也介紹「哈辛河」(Hudson River) 兩岸新澤西和紐約的風境，船隻會穿過「布魯克林橋」(Brooklyn Bridge) 同「曼克頓橋」(Manhattan  Bridge) 並且讓我們遠眺威廉斯堡橋 (Williamsburg Bridge)。

午餐後我們先到聖公會教堂 (Trinity  Church) 看看美國開國元勳兼首位財政部長(Alexander Hamilton) 的墓碑沿途經過百老匯 (Boardway)及華爾街 (Wall Street)。然後到任天堂紐約店參觀購物。晚餐前到 (Hudson Yard ) 的新地標 (Vessel) 參觀才回酒店晚餐。

第二天早上我們經過時代廣場，到達兩所遊人愛逛的糖果店 (Hersheys) 及 (M&M) 參觀和購物。

午餐後我們到美國自然歷史博物館 (American  Museum of Natural History) 參觀。博物館就在中央公園旁，我們便可順道遊覽中央公園。

晚上，女孩子們觀看了舞台劇 (Wicked) 後，便完結了我們紐約之旅，第三天早上大家乘坐內陸機到奥蘭多 (Orlando) 繼續樂園之旅。